هندسة المكان ... (1)

تحياتى لكم جميعا واتمنى لكم مساء جميل ومبدع .....

انا اتعلم وفهمت وجربت يعنى ايه المكان هو كائن حى له وعى وذاكره ومتصل اتصال جذرى بحياتك وتجسيد لحالك تماما .

هندسة المكان من العلوم المحرمه على البشر حتى يتم تحييد الوعى ومن علمه كتم اسراره بغرض السيطره .

اى مكان هو عباره عن كيان مستقل متصل بمن فيه من اشياء او كائنات وده يوضح المثل الى بيقول : كل أناء ينضح بما فيه ..

والمكان بينعكس على اهله .

اولا لازم تعرف اتجاهات المكان بالنسبه للاتجاهات الطاقيه للكوكب وأفضل اتجاه لوجهة المكان هو الشرق

هنبدا من حجرة النوم اكتر مكان بتجد فيه راحتك ونفسك ...

السرير هو اهم قطعه فى حجرة النوم ويجب معاملته معامله خاصه جدا لانه مركبتك من البعد الثالث للأبعاد الاخرى ودخولك منطقة السكون الجسدى للراحه وتجديد الجسد وكمان هو مكان اللذه حيث الارتخاء بعد عناء او ممارسة الجنس ..

كأشىء السرير له وعى مستقل وله برمجه لازم تعرفها ولازم تكون صحيحه ..

احترم مكان نومك علشان يحترمك ويسعدك ويكون صديقك . السرير اصلا مخصصا لراحتك ولذتك وتجهيزك لمغادرة جسدك الاثيرى تسبح بيه فى الكون تتعلم وتعى وترتقى .

للأسف معظم البشر بيعاملوا السرير معاملة السيد القاسى للعبد الضعيف .

السرير بيحس وبيسجل كل مشاعرك واحاسيسك وحسب ما بتعامله هيعاملك لانه انعكاس لشخصيتك وروحك .

سىء جدا الجلوس على السرير والتحدث فى الموبايل او حتى مع شريك لساعات طويله بتجعل الفراش يحمل كل مشاعرك وبيردها لك تانى وانت عليه وقت الاسترخاء والنوم .

افضل الاسره هو اللى بيمتلك تاج فوق قمته نحو الرأس لأن التاج بيكون على شكل هرمى لاستقبال الطاقه مع بعض الرسومات مثل الزهور والطواويس رمز الحكمه والجمال وهو ما يجذب اثيرها الى سريرك .

حافظ دوما على نضافة سريرك واياك تاكل او تشرب عليه شىء عدا لو كنت مريض او مجهد فعلا . التدخين مضر جدا ببرمجة السرير وبيخزن طاقه سلبيه .

الاضاءه فى غرفة النوم تكون غير مباشره وافضل اضاءه للسرير هى الاضاءه الجانبيه مع التأكيد على عمل عقده فى نهاية كل كابل كهربائى لكسر المجال المغناطيسى للتيار الكهربائى فلا يؤثر على طاقتك او طاقة المكان .

تحت سريرك لازم يكون نضيف خالى من اى شىء واى اتربه او بيوت العنكبوت لانها بتخزن الطاقات السلبيه وبتقلل الشعور بالراحه فى المكان .

اتزان المكان طاقيا هيكون عباره عن مسحه بالماء والملح ثم اضافة 4 اكواب فى كل لون بها ماء مذاب فيه ملح تتغير كل يومين او ثلاثه بالكتير واول مره هتشوف تجسيد للطاقة السلبيه على حافة الكوب مع مراعاة عدم اهمالها بالتغيير حتى لا تتسرب مره اخرى للمكان

دولاب ملابسك لازم يكون مترتب ومهندم وبطل حفظ اشياءك فوق الدولاب لانه بيعيق تدفق الطاقه لأن الدولاب بيحافظ على نقاء ملابسك من الطاقه السلبيه ولازم يفرغها ويستقبل طاقه جديده فرجاء عدم حفظ اشياءك تحت السراير او فوق الدواليب او حافظة الملابس اى كان التسميه .

المرايا من اخطر العناصر الموجوده فى البيت لانها بتحتفظ بطاقة المكان سواء ايجابى او سلبى والاهم انها نافذة تجسس من كائنات البعد الرابع السفلى لان ما تراه فى المرايا مش انعكاس لعالمك ولكنه عالم موازى مختلف تماما . وبحذر الازواج بعدم ممارسة الجنس امام المرايا او حب التعرى والرقص امام المرايا له مردود نفسى سىء على عقلك ووعيك وبيعرضك لخطر الاتصال بعوالم اخرى انت مش جاهز للتعامل معها ولا تحتاجها اصلا فى حياتك .

كتر المرايا فى المكان مش كويس لان المرايا بتقوم بتخزين المشاعر وبتزيد من حقن الخلافات بين افراد المكان ويمكن كسر التخزين بوضع علامه على شكل رقم 6 فى اى زاويه من المرايا اذا كانت مربعه .

حياتك هتكون فيها مشاكل كتير من المرايا المكسوره واحذر اوى جلب مرايا مستعمله او قديمه لانها بتجلب مشاعر اللى كان بيستعملها ...

التليفزيون بيبث مشاعر فى المكان وشاشته تعمل عمل المرايا اثناء ايقافه عن العمل لذلك يجب تغطيته مع المرايا ولا تنسى ان توقف تشغيله قبل نومك لان كل صوت وصوره منه بيتم تسجيلها فى برنامج اللاوعى وانت نائم فالحذر كل الحذر من ترك التليفزيون او الكمبيوتر وتنام

نرجع للسرير تانى وأأكد على انك تخصصه فقط للنوم او اللذه او الاسترخاء عدا ذلك انت بتضر ببرمجة السرير وبتؤثر بالسلب على راحتك .

السرير لا يكون امام باب او تحت شباك لأن الباب مدخل للطاقه وبيستغلها الجاثوم فى خنق البشر واصابتهم بالكوابيس والشباك مخرج للطاقه ولو مفيش امكانيه تحريكه فى موضع اخر ابعد سريرك عن الحائط قليلا وعلق ستاره تقيله ولا تحتفظ بادواتك الرياضيه فى غرفة نومك لانها ادوات طاقه ونشاط ومش هتجعلك تنام بسهوله من طاقتها واجعل من لون غرفة نومك لون هادى سهل زى الازرق السماوى او الوردى الخفيف واوعى من اللون الابيض لانه زى المرايا بيحتفظ بالمشاعر .

فى بوست مكمل اخر لسه فيه شرح كتير فى غرفة النوم

يتبع ....

اتمنى لكم نوم هادىء ومريح دام وعيكم بخير

# الوعى المفقود

# نبيل كمال