لأرواحكم منا السلام

البوست دا هتكلم بوعى بشرى وباللهجه المصريه المحليه لأنها الأسهل ولأجل الفائده تعم كل المستويات حتى بسطاء الفكر .

بحكم دراستى وأبحاثى عن الكائن البشرى وجدت ان وعيه مرتبط بعنصر التراب وهو أقل وأبطأ عناصر الكون تفاعلا . على الرغم من وجود بقية العناصر وهى الماء والهواء والنار بداخل جسدك المادى اللى بتسكنه روحك الغاليه .

كهندسه كونيه المربع هو رمز التراب . عنصر تقيل وبطىء التفاعل . المشغلين للماتريكس المادى برمجوا وعيك لأنك كائن تخليقى بدون فطره ادراكيه على الرغم من عظمة تصميمك المادى كجسد . هتجد المربع تقريبا فى كل حاجه بحياتك . بدايتة من غرفتك ومرورا بمنزلك وأشكال المبانى خصوصا الحكوميه مبانى مقدسه زى الكعبه وانتهاءا بكوكب زحل أكبر مشغل لقوة الوعى الترابى بالمجموعة الشمسيه حتى انه يطلق عليه اسم الشمس السوداء .

الكلام دا معناه ان وعيك كمان بطىء للأرتقاء والادراك الكونى . مع أصرار المشغل انك ناقص وعبد وهش . لذلك احلامك وأمالك بالتحكم فى الماده بيروح سدى وبتقع فى فخ الأنهزاميه ومنه بتبدأ تتهم نفسك بالتقصير والأهمال والتسويف .

وكأنك انت الروح الطاهره البرئيه اللى تكالب علها الشر علشان ينهكها ويضلها .

الحقيقه انك انت اللى صنعت السجن الرهيب دا حولك بدون ما تدرى . لذلك محاولات الخروج منه بتكون صعبه ومعظم البشر بيستسلمواللأنهيار وفقد الثقه بأنفسهم .

فى وعيك المحلى للكوكب فيه حاجه اسمها ثقافة القطيع والمتحكم بيك أيا كان بداية من والدك وكذلك مرورا بمديرك او مدرسك وحتى الحاكم بيقوموا بصنع ما يسمى بالوعى الجمعى .

كل العقول تشترك على رأى او فعل معين سواء عارف او العكس فلتظهر فطريا ثقافة القطيع فى الحروب والثورات او فى الاحتفالات والأعياد وحتى غريزيا لو ماشى مع الناس فى الشارع وفجأه لقيتهم بيجروا يهربوا !! حضرتك هتجرى معاهم وأنت مش عارف حاجه لكنها برمجة الوعى الجمعى اللى سيطرتك على غريزتك بفعل لا ارادى .

-- بطبيعة البشرى لأنه مخلوق بيخاف من اى شىء غريب وعزز الشعور دا الأزمات المتفعله الى مرت بالبشريه ومسجله فى حمضها النووى وبتكرر نفسها مع الأجيال لا تنتهى الا بأعادة برمجتها ودا بياخد الاف السنين مش وقت قصير .

نرجع للمربع . هندسيا وطاقيا المربع عباره عن صندوق . بيتم حبس وعيك فيه بالقداسه والعادات والتقاليد بخلاف قوته المستمده من القوانين الكونيه .

حبس الوعى بيجعل البشرى مجنون فعليها لأنه بيكون ضد رغبته . فتجد البشرى بيقتل اخيه سواء لأسباب مقدسه أو تافهه .

الأمر يبدوا كان رؤوس البشر موضوعه داخل صناديق لا ترى الا انعكاسها من الداخل ومن هنا يقع فى فخ الأيجو . فيعتقد كل مؤمن بدين أن دينه هو الحق او من ترك الدين يعتقد أن لا يوجد رب يدير هذا الكون المعجز . وهكذا صور كتير من الأنفس البشريه اللى أمنت بشىء فحكمت به على أفعال وأعتقاد الأخرين .

ومن الجنون بتقاد نفسك الى حاله من التجمد فتبقى ميت . مجرد روبوت يتفاعل مع عدة برامج ولا يتطور بذكاء ذاتى قائم من الأدراك المعرفى والتجريبى .

لذلك أغلب البشر أراهم موتى بالفعل ولا يتعدون أكثر من أشباح .

الموت دى وانت بالامكانيات الروحيه والجسديه المعطله ! بيتم أعتبارك كحيوان بدون وعى من قبل مشغلى النظام .

مش بقصد بالنظام الحكومه أو الحاكم . هؤلاء على مستوى أرقى من الوعى ومنهم بذات وعيك . ما ااقصده هو كل ما حولك وما تعلمه يدار بواسطة نظام راقى ومتقدم بما يفوق خيالك ولا حتى خطر على قلب بشر الا نادرين .

نيتى من المقال انك تستخدم بقية عناصر الكون لأرتقاءك .

خد من النار النور والأمان والبصيره

خد من الماء الرغد والأمل والشفاء

خد من الهواء السلام والتسامح

هيحصل لك توازن روحى وجسدى وهتبدأ فى رحلة الخلاص والتحول من السىء الى الجيد

انت فى مرحلة الشرنقه حاليا . فكن نتاجا طيبا قويا يضيف ولا ياخذ .

يبنى ولا يهدم . يحيى ولا يميت

متزعلش من كلامى وأسف انه قاسى وأسف انه كتير

يعز عليا أشوف البشر ضلوا ويقتلوا بعض فى كل مكان .

النفس البشريه ثمينه للغايه لأنها من روح الله

خوفك بيجعلك تقتل .

تقبل الأخر وتقبل الشر لأنك تستحقه وتستحق حياه تعيسه ينتظهرها خوف اكبر ساعة الموت .

انت فى بيئه معاديه وكل عناصرها هتكون ضدك حتى تتحر روحك وتصعد لليوتوبيا

انت هنا علشان تتعلم الأرتقاء وتتعلم الحكمه . على قدر ذكاؤك وتخيلك لحياه أفضل ! على قدر ما هيستجيب لك الكون . ولك حرية الأختيار

فكن راقيا ملائكيا فى مهمة اعمار للنشر النور .

الكلام دا مش هتسمعه فى دورات الماسترز لأن تعليمهم أكاديمى متصلب قائم على اجراءات .

هنا بقولك فكر

انت جيت لوحدك . معناه انك مميز . نادرين اللى هيفهموك . وهترحل وحدك

لذلك نصيحتى الغاليه انت لا تثق الا بنفسك وأرتقى فوق الوعى البشرى لأن الماتريكس جعل البشرى ممكن يخون وهو ما يسبب الضرر للبشريه

فعل الرابط ما بينك وبين ربك

ابحث عنه بنفسك

تكن من المختارين

وهتجده وهتعرف منه ما لم تستطيع انك تقوله لأحد . لأنك ببساطه هتعرف سبب وجود فى البعد التالت .

بعتذر بشده عن طول المقال

سامحنى

أنا أسف

أنا أحبك

شكرا

#نبيل كمال

#الوعى المفقود